ما بعد الولادة ؟؟؟؟؟؟؟؟؟؟

لقيت كتير من الامهات الجدد بيسالوا عنها
فى المنتديات
وهى
اصابة المراه حديثة الولاده بنوع من الاكتئاب


خلاصة قراءتى فى الموضوع ده ان الاكتئاب ده بيرجع لشعور المراه بانها بتخوض تجربه جديده عليها
وبتخاف انها تكون مش ادها
ونصيحتى الشخصيه لك ياقمر عشان تتغلبى على العقبه دى انك تستعينى بالله
ودايما تحفزى نفسك انك اد التجربه دى واد تحمل المسئوليه
واللى هيصبرك على كده نظره واحده تلقيها على طفلك الوديع
بس وهو ناااااااايم

طبعا بدات اظبط الحمد لله موضوع الرضاعه بعد الرجوع من المستشفى لانى كنت قرات كتييييييييييير عن فوايدها الهامه جدااااااااااااااا للام والبيبى
وكفايه ذكر الله عزوجل لها فى القران دليل على اهميتها وفوايدها اللى منها اكتشفها الاطباء واللى لسه مكتشفهاش
ودى بعض الفوايد الهامه اللى حفزتنى وشجعتنى انى اصر على ارضاع بنتى ان شاء الله طبيعى

1- بالنسبه لفوائدها للطفل

- تحميه باذن الله من الامراض المعديه والحساسيه
-تساعد على اكتمال النمو والتطور العاطفى والنفسى والسلوكى والاجتماعى والذهنى
-حليب الام يحتوى على عوامل نمو تساعد على نمو الاجهزه والانسجه بجسم الطفل
- خلافا بقا يافتوكه انها بتعمل لتقوية العلاقه والرابطه بينك وبين طفلك
لانك بتلصقيه بجسمك وبترضعيه من ثديك وبتمررى ايدك الحنونه على شعره وبتنشدى له انشوده لطيفه
او بتقراى له افضل الكلام القران الكريم
كل ده بيخلق روح من الحب وتقوية العلاقه بينكما

2-بالنسبه لفوائدها للام

- تقى الام بفضل الله من سرطان الثدى والرحم
- بيعمل على توازن الهرمونات بجسم الام مما يحول دون الاضطرابات المبكره لما يسمى بسن الياس
- تساعد الرضاعه الطبيعيه لعودة الرحم الى وضعه وحجمه الطبيعى
- تنظم عملية الحمل

دى بعض الفوائد يافتوكات سبحان الله ارايتم عظمة الخالق سبحانه
لا وما يجهله الطب اعظم

طبعا خلافا ان الرضاعه الطبيعيه غير مكلفه ماديا ولا تحتاج لمجهود ووقت فى الاعداد بخلاف الرضاعه بالببيرونه

بالنسبه لحلمة الصدر يافتوكه ممكن تكون غائره مع بداية ارضاعك لابنك اول مره او بها تشققات
ودى لازم تتعالج عشان تعرفى ترضعى ابنك رضاعه طبيعيه
وهقولك على حاجه مفيده جداااااااااااا عشان تتجنبى التشققات اللى بتحدث فى الحلمه
انك تدهنيها وانت لسه حامل فى الشهور الاخيره بزيت الزيتون ماشاء الله ممتااااااااز وبيمنع ان الحلمه تصاب بالتشققات بعد الولاده وعند الارضاع
وبالنسبه للحلمه الغائره عندك جهاز شفط الحليب لو متعرفهوش صورته اهى


دى مجرد صوره للتوضيح لانى فى نهاية السلسله دى باذن المولى هعمل موضوع منفصل عن افضل الحفاضات وافضل شفاطات الحليب وافضل انواع البوتى وافضل الاقمشه اللى يلبسها طفلك وخلافه لتعم الفائده ان شاء الله

بتشفطى حليب صدرك يافتوكه بها وتعطيه لابنك برااااااااااحه وبمعلقه شويه بشويه
ومع الوقت مع عملية الشفط ان شاء الله للحلمه هتتظبط وهتستغنى عن الجهاز ده بعد كده
ولازم تهتمى طبعا بنظافتها وتغسليها جيدااااااا بماء مغلى بعد كل استعمال

طيب السؤال اللى بيطرح نفسه الان انا خلاص كده ظبطت صدرى الحمد لله امتى ابدا فى رضاعة ابنى بالضبط يعنى بعد كام ساعه من ولادته ؟؟
حبيبتى بامكانك انك ترضعى ابنك طبيعى بعد ساعه من ولادته ان شاء الله
تظبطى قعده مريحه لك وتاخدى ابنك فى حضنك فى وضعيه مريحه لك وله
ولو ولده قيصرى ممكن اول فتره متعرفيش تشليه كويس عند الرضاعه عشان العمليه
فحطيه جمبك وعلى راسه بمخده وحاولى تعرضى عليه صدرك برااااحه وتداعبى بقه بصدرك شويه بشويه
ومتزعليش لو ماخدوش فى الاول بالصبر كل حاجه هتكون تمااااااام ان شاء الله