ضرورى تعملى كده قبل رمضان

السلام عليكم
اخواتى
ضرورى تنظفى شقتك قبل رمضان وتغسلى الستاير والسجاد
والمفارش ومتسبيش شغله تقيله ومهمه الا ماتعمليها قبل رمضان
مش نستنى قبل العيد بعشرايام او اسبوع ونيجى فى العشر الاواخرونقلب البيت ولايبقى فيه وقت للعباده وللقيام الليل
والعيال والراجل نفسهم تنسد لما يشوفو الدنيا مقلوبه
لا لا لا لا لا
هتقوليلى طيب والعيد هاقولك يوم الوقفه غيرى الملاايات والمفارش
وحطى لمساتك الجميله وهاتى خدديات وزهريات وتبلوهات جديده
ودلوقتى بقى فيه كل حاجه باسعار رخيصه كله ب2 ونص
وطبعا الستاير مش هتلحق تتوسخ والسجاد ممكن نفرش عليه المفارش اللى طالعه موضه
ممكن نعمل البدع علشان نفضى نفسنا بس لو عايزين
وكفايه علينا العزومات هو الشهر هيتحمل ايه ولا ايه
وكمان لازم نجيب لبس العيد
دا شهر قصير جدا ودى على فكره تجربتى
وياريت كل واحده تعمل كده وتعو اصدقائها واقاربها
يعملو كده
وكل سنه وانتم طيبين وبخير
[center]