باترون الصديرى للأطفال

مرحبا حبيباتي
تعالوا سوا نشوف ازاي ممكن نعمل باترون لصديري طفل (جيليه)
الطريقة سهلة إن شاء الله لكن عايزين نتفق من الأول ان بالذات في الصديري الأمور بتختلف باختلاف الموديل والموضة، وممكن يكون الصديري مكسم ببنس وفيه قصات وده بيناسب البنات اوي، وممكن يكون صديري بدون بنس ومن غير قصات طولية وده حلو للأولاد وعمومًا البنس حسب الرغبة وحسب احتياج جسم الطفل برده.
يلا خلونا نبدأ سوا
هنرسم الباترون الأساسي للطفل وطوله لحد محيط اكبر حجم تمام
بعد كده هنحدد خط الوسط على الباترون وخلو بالكم في الاولاد بيكون خط الوسط اسفل الحافة العلوية للباترون بمقدار طول الظهر، أما البنات بيكون أسفل الحافة العلوية بمقدار طول الصدر
دلوقتي نعمل تكسيم للوسط مقداره 2 سم على الجانبين
هنوسع حردة الابط للامام والخلف بحيث ننزل على خط الجنب 2 سم ونتحرك على الكتف 2 سم
نوسع حردة الرقبة الخلفه بالنزول مقدار 1 سم على منتصف الخلف و 2 سم على الكتف
وللأمام نبدأ الحردة على بعد 2 سم من طرف الحردة الأصلية ونعمل العمق حسب الموديل المرغوبية
نرسم مرد بالعرض المطلوب لكن انتبهوا مش هنرسم بطانة للمرد

بعد كده هننزل على خط الجنب ونصف الامام ونصف الخلف مقدار 5 سم (ممكن تغيري المقاس حسب الموديل) ونحدد نقطة في الثلث الاول على خط وسط الامام جهة منتصف الأمام وننزل منها طول الجيلية المطلوب حسب الموديل، انا هنا نزلت 8 سم
نرسم الحافة السفلية للجيلية زي الرسم

الخطوة الأخيرة عايزين نعمل سجاف للصديري، وسجاف الصديري بيشمل كل النواحي وبيكون عرضه حوالي 3 سم وهنرسمه ونشفه وهو الجزء الملون في الصورة

ومش تنسوا تحددوا أماكن الازرار والعراوي زي ما اتعلمناها سوا في الدورة المفتوحة
وطبعًا متنسوش تعملوا سجاف للإبط بعرض 3 سم برده

وبكده انتهى الباترون هنقصه ونفصل الامام عن الخلف ونضع الخلف على جهة مثنية والامام على مفتوح، وسجاف الخلف على مثني والامام على مفتوحن وسجاف الابط على مفتوح
انتظروني في موضوع جديد نعمل صديري بكروازيه وصفين من الأزرار

مشكووورة

» باترون فستان شيك
» كيفية رسم باترون لفستان بكشكشة وقصة صدر
» بيجامات نوم للأطفال
» غرف نوم للأطفال 2011
» مكاتب للأطفال