فشار بالكراميل

نحضر للفشار كوب و نصف من ذرة الفشار و نعمله عادي

بالطريقة العادية
فشار بالكراميل 666583539

هقولها للي مش عارف

في حلة تيفال
]نغطي قعرها بزيت ذرة و نحط عليه الفيشار ونمسك الحلة و نهزها جامد علشان الزيت يغطي الذرة كويس
لو كمية الفشار كبيرة علي الحلة ياريت نعمله علي مرتين علشان مافيش حاجة تتحرق

[size=16]الفشار لازم يكون مغطي قعر الحلة برضه و مش ازيد من كده علشان كله يتعمل مع بعض في نفس الوقت
و نغطي الحلة طبعا
علشان الفشار مايطلعش بره
علي درجة حرارة وسط
و مانطفيش النار غير لما يبطل فرقعة
و كده خلاص

نحطه في سلطانية كبيرة

و نتأكد ان كل الفشار سليم و ان مافيش أي بذر ذرة ضمن الفشار
و نحط عليه 2 كوب مكسرات مجروشة
(كاجو ؛ بندق او لوز)
(ممكن مانحطش ده طبعا حسب ذوقك)

ونحضر خليط الكراميل:
فشار بالكراميل Untitled11

قبل تحضير الكراميل لازم تسخن الفرن علي درجة حرارة 120 درجة مئوية
درجة حرارة هادية خاااالص)

2 كوب سكر بني
(جايبالكم طريقة عمله بس اقرأوا البوست لاخره)

ممكن نستبدله بعسل الجلوكوز)

ملعقة صغيرة ملح

كوب زبدة

نقلب معا جيدا علي النار حتي تذوب كل المقادير و تتجانس تماما

و نتركه يغلي مده 5 دقايق مع التقليب علي نار هادية

و بعد كده نشيله من علي النار
و احط عليه كيس فانيليا
ونصف ملعقة صغيرة من بيكاربونات الصودا

هتلاحظو ان الخليط تجانس كويس جدا بعد اضافة الصودا

و بعدين نقلب خليط الكراميل علي الفشار و االمكسرات و نقلب كويس جدا لحد التجانس التام

و بعدين نجيب صينيتين فرن غويطتين و ندهنهم بزيت ذرة
(يستحسن يكون زيت كويس علشان ما يعملش ريحه)

[size=16]و نقسم فيهم الفيشار المغطي بالكراميل بالتساوي

و طبعا احنا مسخنين الفرن من قبل كده علي درجة حرارة منخفضة
و نحط الصينيتين في الفرن لمدة ساعة

بس لازم كل ربع ساعة نقلب الفشار كويس جدا علشان المحتويات كلها تتجانس مع بعض كويس و ماتنشفش

و بعد ساعة نطلعه من الفرن و نسيبه يبرد خااالص

و لو في حاجات لازقه في بعضها نفككها بالراحة خالص بعد ما يبرد طبعا

و كده يكون الفشار خلص

طريقة عمل السكر البني

علشان سعره غالي في السوبر ماركت
ممكن نعمله بكل سهولة في البيت

في عندنا ثلاثة انواع للسكر البني

سكر بني فاتح

فشار بالكراميل 9973_1217536071

سكر بني وسط
فشار بالكراميل Dark%2520brown%2520sugar

سكر بني غامق
فشار بالكراميل 9973_1217536121

انا هقول علي طريقة السكر البني الوسط لانه هو اللي بنستخدمه كتير
و هشرح الفرق بينهم

هو ده اللي استخدمناه في الوصفة بتاعتنا)

علشان نعمل سكر بني وسط

عايزين 2 كوب سكر ابيض و يقابلهم ربع كوب عسل اسود
(كوب السكر عليه ملعقة كبيرة عسل)

طيب لو عايزين سكر بني فاتح

يبقي نحط 2 كوب السكر ابيض و يقابله 2 ملعقة كبيرة عسل اسود
(كوب السكر عليه ملعقة صغيرة عسل)

و لو عايزين السكر البني يكون غامق

نحط 2 كوب سكر ابيض و عليه ثلث كوب عسل اسود
(كوب السكر عليه ملعقتين كبار عسل)

و نقلب بالشوكة كويس اوي لغاية ما يتجانسو تماما و نرجع نشوف حبيبات السكر تاني

يستحسن نضرب السكر بالعسل بمضرب بيض ولا بالكيتشن ماشين علشان حبيبات السكر ترجع تنفصل تاني)
بياخد 5 دقائق لو هنعمله في الكيشن ماشين

الفشار بالجبنة

نجيب 4 كوبايات فشار معمول جاهز

(من اللي عملناه فوق)

و في طاسة نسيًح 3 ملاعق زبدة و نشيلها من علي النار

و نحط عليهم نصف كوب جبن شيدر مبشور

يستحسن يكون مطحون يعني بعد ما تبشريه اطحنيه في المطحنة)
ممكن طبعا تكتري كمية الجبنة او تقلليها علي حسب انتي بتحبي ايه)

و عليهم نصف ملعقة كبيرة بودرة مسترده

و ملح
(و اختياري لو عايزة تحطي ملح و فلفل مع بعض)

نحط كل الخليط ده علي الفشار و نقلب كويس لحد التجانس التام

و يقدم في الحال

(طبعا المقادير ديه تقدري تقللي او تزودي فيها علي اساس عدد الاشخاص)

و بالهنا و الشفا

</B></I>

» موكا بالكراميل
» كعكة الايسكريم بالكراميل