طريقة ستيك بصلصه المشروم والجبن شي خطير شرح بالصور

]

هني انا بتكلم عن الصلصه وايد لذيذه وطعمها يهوس على قوله اخوانا المصريين ... كان عندي باجي جبن ماسكربوني واستخدمته في الصلصه واذا مو موجود عندكم اتوقع ان جبن كيري بيعطي نفس الطعم .. بالنسبه للاعشاب انا استخدمت الروزميري لاني احبه وايد مع الستيك بس اي اعشاب تحبونها تقدرون تضيفونها
خواتي الله يخليهم يعزون المشروم معزه اهل هههه... فحطيت نوعين مشروم عشان يعطيني نكهه اعمق بالطبق.... جربو هالصلصه وان شاء الله بتعجبكم وبتدعون لي :>

المقادير:
علبه تقريبا مشروم شرايح ( خلطو نوعين مشوروم احلى )
قفشتين كبار او اكثر من جبنه الماسكربوني ( ترسو القفشه عدل )
كريما ( انا كانت عندي دبل كريم استخدمتها تقريبا علبه )
فلفل اسود حسب الرغبه
قفشه كبيره خل بلساميك
مكعب ماجي بقر مذوب بشوي ماي
قفشه كبيره مسترد انا استخدمت المسترد مع الحبيبات
شويه بقدونس
زيت زيتون
شويه روزماري
رشه زعتر يابس
فص ثومه كبيره مهروسه

الطريقه:
نسخن زيت الزيتون ونضيف الثوم والمشروم والروزماري لين يذبلون وبعدين نخلطهم مع باجي المقادير بس نخلي الكريما والبقدونس اخر شي
واول ما تغلي الكريمه نسكر عليها
نكون متبلين الستيك مثل ما تحبون ( انا تبلته بثوم و روزماري و عصير ليمون وزيت زيتون ) ولما بتشونه ترشونه ملح وفلفل اسود على الجهتين وتشونه عادي ...و تصبون الصلصه فوقه عند التقديم وبالف عافيه

سلمت الايادى

سلمت الأيادي
تقبلي مروري

» ستيك مع صلصة المشروم
» ستيك بصلصة المشروم
» طريقة عمل مكياج تركواز بالصور خطوه بخطوه بالصور
» طريقة عمل الكباب بالصور
» طريقة عمل الشاورما بالصور