طريقة عمل الجمبري بالصلصة

حبيت اقولكم علي طريقة جميلة للجمبري من اختراع مامتي

سهلة جدا وبسيطة يارب تعجبكم انا عن نفسي بحبها جدا يلا نبدأ

المقادير

نص كيلو جمبري متقشر
عصير طماطم
بصلة مفرومة
بقدونس بيدي طعم رائع وريحة ما اقولكيش عليها
ملح
كمون
معلقة زبدة او سمن

الطريقة

اول حاجة بتحمري البصلة المفرومة في السمن او الزبدة لحد ماتدبل وتضيفي لها عصير الطماطم والبقدونس

وياريت يا أحلى بنات يكون عصير الطماطم خفيف مش تقيل

وتسيبيهم شوية لحد ما تغلي بعد كدة تضيفي الجمبري المتقشر والمغسول كويس طبعا وتحطي الملح والكمون

وتسيبي كل المقادير علي النار لحد ما الجمبري يستوي كويس

وبس كدة

قدمية بقي مع الرز الابيض بيبقي جنان

جربوه وقولولي رأيكم

بجد طعم الصوص بيبقي رائع

تسلم الايادى

» طريقة روستو اللحم بالصلصة
» الأرز الشهي مع الجمبري
» الدجاج بالصلصة
» الدجاج بالصلصة الحارة
» كفتة بالصلصة بالصور