بقلاوة تجنن

بقـــلاوة

المقادير:
لفة جلاش
سمنة
تشكيلة متنوعة من المكسرات؛ الفستق والجوز واللوز
شربات

الطريقة:
1- هاتي صينية الفرن وادهنيها بالسمن كويس، وبعد كده رصي فيها ست أوراق من الجلاش، وخدي بالك إنك تمسحي وش كل ورقة هتحطيها بالسمنة كويس ما عدا آخر واحدة.

2- هاتي المكسرات وابشريها إلى قطع صغيرة واخلطيها مع شوية سكر وقرفة وماء الورد، وبعد كده رشي الخليط ده على الطبقة الأخيرة من الجلاش.

3- رصي ست أوراق أخرى من الجلاش مع مسح كل ورقة بالسمن وامسحي وشّ الورقة الأخيرة هي كمان.

4- قسمي أوراق الجلاش وهي في الصينية على شكل مربعات.

5- دخلي الصينية الفرن على درجة حرارة هادية وسيبيها لغاية ما وشها يحمر.

6- خرجيها من الفرن ورشي على وشها شوية فستق مبشور واسقيها بالشربات البارد.

ودي طريقة عمل شربات البقلاوة:
مقادير الشربات:
1/2 كوب سكر
3/4 كوب مية
عصير ليمونة
فانيليا

طريقة عمل الشربات:
حطي السكر والمية مع بعض في إناء على نار هادئة لمدة ربع ساعة. بعد كده ضيفي الليمون وسيبيه لمدة 5 دقائق لغاية ما يغلي، وبعدها حطي الفانيليا وشيلي الخليط من على النار وسيبيه لغاية ما يبرد.

الله يعطيك العافيه سلمت يمناك جزاك الله كل خير ونفع بك امته الاسلاميه وجعل الله ما قدمتيه في ميزان حسناتك بارك الله فيك وانار الله دربك وقلبك بنورالهدى تقبلي مروري ولك ودي وردي