طريقة جديدة لعمل الفراخ

بسم الله الرحمن الرحيم

ازيكم يا اميرات مساكم كلكم بالف خير انهاردة جبت لكم وصفة صغيرة وسريعة على قدى بس يارب تعجبكم.........
اولا هتجيبى الفرخة وتغسليها كويس بالملح والدقيق وتقطع 4 قطع................
ثانيا هتجيبى 5بصلات وسط وتقطعيهم حلقات وتحطى على البصل ملح+فلفل اسود+كمون+ببريكيا+كارى(هااااااام)+بهارات لحم وتدعكى البصل كويس بأيدك لحد ما ينزل ميته ...........
هتحطى الفراخ وتقلبيها مع البصل كويس(ملحوظة دة كله لسة مش حطينا الفراخ على النار)وبعدين تقطعى عليهم طماطم مكعبات وفلفل اخضر ولو بتحبيها حر تقطعى فلفل حر واخيرا ضيفى مكعب مرقة دجاج وشوية زيت صغيرين..........
حطيها على نار هادية جدا جدا لحد ما تبدأ تنزل ميتهاواوعى تعلى النار عليها ولو احتاجت مية ضيفى شوية صغيرين لحد ما تستوى ...........
وبالهنا والشفا وتتقدم مع ارز ابيض او مكرونة بالصوص
طريقة جديدة لعمل الفراخ 21_212

» طريقة جديدة للمسقعة بالصور
» أحلي طريقة لعمل بطاطس شيبسي
» ملف كامل لعمل البسبوسة باكثر من طريقة
» طريقة رائعة لعمل السمك بالصور
» الفراخ المحشية