فطير يجنن

موضوع: فطير يجنن الأربعاء ديسمبر 29, 2010 2:38 am

شوفو يا حلوين المقادير دى كوب دقيق ونص عملولى فطيرتين متوسطين
انتى بقى وراحتك زى ما تحبى اعملى الدقيق بالكميه اللى تحبيها
الدقيق وعليه رشة ملح فتفوته واعجنى بميه دافيه لحد ما تلاقى عجينه طريه متلزقش وهاتى نقطتين زيت وادعكى العجينه بيها واعجنى بذمه حتلاقى لونها بقى ابيض خالص وبقت عامله زى اللبانه ممكن تحطى نقطتين زيت تانى وتعجنى شويه وتمسحيها بالزيت بعد ما تعمليا كور على حسب عدد الفطير اللى انتى عاملاه وعلى حسب العجينه وغطيها وسبيها ترتاح حوالى ساعه
انا سبتها كتير عجنتها من العصر وعملتها بالليل
تيجى بقى تفرديها بايدك الاول تبططيها لحد ما تفرديها طبعا تحتها زيت وتكملى فرد بالنشابه لحد ما ترق خالص وتبقى شفافه تحشى الفطيره وتقفليها زى الظرف يعنى تقفلى الاطراف على الفطيره وتدهنيها بالسمنه نسيت اقولك لما تفردى الفطيره ادهنيها سمنه وحطى الحشو

ولو بقى عايزاها من جوه طبقتين تلاته كثلا افردى العجينه وحطى السمنه وبعدين اتنيها على بعض وحطى سمنه تان وبعدين الحشو وبعدين اقفلى العجينه على الحشو وادهنى الوش سمنه

التسويه بقى انا بسويها من فوق ع النار بحطها فى طاسه واسويها على ووطى النار متخليهاش تتحرق منك راقبيها لول قيتها بتتلسع وطى
وبعد كده طلعيها على صينيه وغطيها عشان تتطرى ولما تيجى تاكليها رشى سكر بودره وقطعى

ممكن تحشيها حادق كمان بدل الحلو
جبنه زتون بيض لحمه مفرومه اى حاجه

موضوع: رد: فطير يجنن الجمعة ديسمبر 31, 2010 12:01 am

مشكوره غاليتي..
يعطيك العافيه...
مواضيعك مميزه...
تقبلي مروري...
و...
اطيب التحااااااياااااا

موضوع: رد: فطير يجنن الجمعة ديسمبر 31, 2010 4:45 am

جزاكى الله خيرا حبيبتي
تسلم ايديكى

» بيتزا فطير تجنن بالصور
» البريوش يجنن
» صور محل ايس كريم يجنن
» صمت الأزواج يجنن الزوجات
» كب كيك يجنن بطهم السينابون