كيف أطبخ كشري؟

طبعا نورتينا وشرفتينا فى المنتدى وسعداء بأنضمامك الينا

انا حوصفلك الكشرى بالعدس ابو جبه لو تحبى طبعا

المقادير

نصف كيلو عدس بجبه

3 كوب ارز

2 بصلة كبيرة

شعرية

ملح وكمون

الطريقة

تقطعى البصل مكعبات صغيرة ونحمرية فى الزيت لحد ما يدبل او يصفر وتكونى غسلة العدس

تحطيه على البصل وتشوحيه معاه 5 دقايق وبعدين تحطى كوبيتين ميه وتخلى العدس يستوى

فى الميه بس نصف سوى يمكن يحتاج منك اكتر من كوبيتين الميه وبعدين لما يبقا نصف سوى

وتلاقى الميه قلت تقريبا اوى تغسلى الارز وتخطيه عليه وتشوحيه معاهم وتحمرى الشعرية

فى اناء تانى وتحطيها عليهم وتحطى مقدار حوالى 4 كوبيات مياة 3 زى مقدار الارز اللى

حطتيه والرابعه لتكملة سوا العدس وتضيفى بقا الملح والكمون ولما يتشرب العدس والارز

المياة توطى عليه وتسوية على نار هادئة .

طريقة عمل الصلصة

تحمرى قليل من الثوم فى الزيت وتحطى عليهم الصلصة والملح والكمون وخل وفلفل اسمر

لحد ما الصلصة تستوى

ولو تحبى طريقة عمل الدقه المصرية

فهى فصين ثوم مهروس مع نص كوباية مياة ونصف كوباية خل وملح وكمون وشطة وتقلبيهم

على بعض

وبألف هنا وشفا يا قمر وان شاء الله يعجبك