الف باء تعليم البوتى منقول

اولا : تعويد الطفل على البوتى



انا قلعت بنوتى الحفاض وبدات ادربها الجلوس على البوتى من سن سنه وعشر شهور تقريبا
ودايما بيكون افضل وقت للتدريب على البوتى وتقليع الحفاض من سن سنه ونص سنتين
تعالوا نشوف اولا وكالعاده فى جميع السلسله
الادوات اللى هنحتاجها لهذه الخطوه الجريئه


اولا هنقسم الفتره دى لمرحلتين :
1- مرحلة التعود على البوتى
2- ومرحلة التعود على الحمام

نبدا بمرحلة التعود على البوتى

هنحتاج
شوية غيارات اضافيه من الاندرات عشان هتغير فيهم باستمرار
وتكون قطنيه ونطيفه ومريحه
وطبعا افضل حاجه فى بداية التدريب انه يلبس فى البيت الاندر بس عشان يكون سريع فى القلع لما يحتاج
يعمل ببى وده طبعا لاننا هندربه فى الصيف
والبناطيل الخروج تكون باستك بسيط وسهله كمان فى القلع


طبعا بوتى وتكون جميله ومريحه
وفيها منها اشكال كتير على هيئة لعب بتجذب الطفل انا جبت واحده على شكل دب ولونها بينك



فوط صغيره او قطع قماش وديتول متعدد الاستعمال بحب اللى برائحة الليمون
ودول انا محضراهم على طول عشان لو عملت الببى على الارض او فى اى مكان



اول حاجه بدات اشيل اى سجاده ممكن اشيلها استعدادا لتدريبها على البوتى لان الطفل ممكن يعمل فى اى مكان
فى البدايه
قبل معودها تقعد على البوتى كنت دايما اخليها تشوفنى وانا بعمل الببى وقول لها ان ده ببى
وتوتا لو شاطره هتعمل زى ماما واشجعها ان الشطار بس هم اللى بيعملوا الببى هنا
وكانت الاول مستغربه جدااااا وتضحك ويوم ورا يوم بقت تعرف لما ادخل الحمام ده معناه ايه
ودى نقطه مهمه جدااااااااااااا
( المعرفه)
بداية اى طريق صحيح تربى عليه اولادك
الفهم والمعرفه تعرفيها بطريقه بسيطه ان الفعل ده اسمه ايه /وليه بنعمل هنا /واللى بيعمل فى الحمام بيبقى شاطر وممتاااااااااااز وبنصقفله ولازم نشد السيفون قبل ما نعمل وبعد ما نعمل وتعلميها السيفون بيتشد ازاى
وبعدين بنلبس هدومنا وهكذا

بعد ايام وبعد ما ارتبط ذهنها خلاص بالعمليه دى
بدات اخد مرحله جديده
انى اوريها البوتى الجميله الملونه بتاعتها واحببها فيها
شوفى ياكوكى البوتى الجميله دى
طبعا هى مستغربه فى البدايه ومش عارفه اى دى ؟
بدات افهمها ان دى توتا هتعمل فيها الببى زى ماما عشان تبقى شطوره وماما تحبها

واهم حاجه انك تحطى البوتى فى الحمام دى نقطه مهمه جداااااااااا
عشان متعتقدش ان دى لعبه بتلعب بها وبس
هى فى الاول اعتقدت ان دى لعبه وكانت بترفض تقعد عليها وافتكرت انها لعبه وخلاص
لكن لما دخلتها الحمام ارتبط عندها المفهوم ان دى بنعمل عليها الببى

والفتره دى هنبدا نقلع للطفل الحفاض ونخليه بالاندر ونعرض عليه البوتى فى فترات معروف ان
اى طفل بيعمل فيها الببى يعنى الصبح اول ما يقوم من النوم وقبل ما ينام وفى الاوقات اللى بيشرب
فيها عصائر ومايه كتير وكل شويه بدون الحاح تعرضى عليه البوتى بطريقه مفهاش عصبيه

ودى كمان نقطه مهمه جدااااااااااا
العصبيه تولد العععععععععند والعند بيولد ان الطفل ممكن يتبول على نفسه بس ما يقعدش على البوتى او الحمام
لازم نتحكم فى اعصابنا قدر المستطاع ومع الاستعانه بالله والصبر وتحفيز الطفل ان شاء الله هتكون الامور تمام

يبقى قولنا يا اجمل امهات افضل سن لما البنت او الولد يبقى عنده سنه ونص /سنتين
اولا عشان يفهم كلامك ومتكونيش بتناحى فى الفاضى وثانيا عشان يكون استوعب يعنى ايه انتى فرحانه
وسعيده به لما يعمل فى البوتى ويعنى ايه زعلانه منه لو معلش فيها وعمل على الارض او فى ملابسه

تانى حاجه مهمه يا قمرات اننا هنبدا تعليمه وتدريبه طبعا فى اول الصيف
عشان ياخد وقته قبل دخول الشتا والبرد بقا والبلل ممكن لا قدر الله يتعب منك
فالشتا مش وقت مناسب ابداااااا لتدريبه على البوتى

طبعا فى المرات الاولى توقعى انه ممكن يعمل فى اى مكان وميقدرش يمسك نفسه لان بقاله سنه ونص سنتين
مش بيتحكم فى البول وبيعمله على طول فى الحفاض
فالصبرررررررررررر الصبررررررررررر
والتحفيزززززززززززز التحفيزززززززززز
وكلمة شاطررررر وممتاااااااااااز لها اثر بالغ فى الطفل وبتزيد من قدراته
لكن العصبيه والنرفزه بتحطم الطفل وبتزيد فى عناده

ولما كنت بشوفها تعمل على الارض كنت بقولها ماما زعلانه من توتا عشان بتعمل الكوخ هنا
لازم توتا تعمل فى البوتى عشان تبقى شطوره وماما تصقفلها وبابا هيجيب لها
الشيكولاته
وطبعا لا مانع من التحفيز بالبونبونى والشيكولاته بس حاولى دايما مش كل مره تقوليلها كده
عشان تتعوض ان التحفيز ممكن يكون بخروجه ممكن يكون بلعبه باى حاجه تحبها
مش شيكولاته وبس عشان اسنانها

طبعا مش هقول لكم فرحتى لما عملت اول مره فى البوتى
وفرح بقا وتصقيف وتوتا شطوووووووووره ومصاصات وشيكولاته وفشار
وبابا بيصقف لتوتا ههههههههه وحفله بقا

مره تفوت منها ومره تعمل فى البوتى
والمره اللى تعمل فيها على الارض اشتغل على طول بالديتول والقماش واسيب المكان
نظيف ومعقم

لغاية لما الحمد لله بدات تفهم وحتى بدون ما اعرض عليها فى يوم كنت بصلى ولما خلصت لقيتها ماشاء الله
عملت فى البوتى ولوحدها وحمام براز
( الله يعزكم )
وعملتلها فرح بقا وحفله



وطول النهار اقعدها من غير الحفاض وفى الخروج وعند النوم بس البسها الحفاض
بس كان جالها دور اسهال شديد فتره فده لبستها فيه الحفاض لانها حبيبتى كانت بتعمل باستمرار

وبره البيت لما تكونوا فى اى مكان فى زياره عند اى حد تعرضى عليه الحمام
او فى الاماكن العامه وتخلى معاكى مناديل توليت وديتول معقم
وتقلعيه وتقعديه عليها بعد ما تعقمى المكان وتحطى عليه ورق توليت
وبعدين تلبسيه تانى الحفاض والبنطلون
بس دى فترة تدريب بره البيت تحتاج منك انك تعملى حسابك وتلبسيه الحفاض
احتياطى مع عرضك عليه باستمرار انه يعمل فى الحمام سواء فى بيت حد بتزوريه
او فى الاماكن العامه
تعويد الطفل على التواليت




والخطوه دى ممكن على فكره تيجى على طول بدون خطوة البوتى
عشان حتى البوتى ممكن يغلبك فيها ابنك ويفتكرها لعبه
لكن لما تقعديه على التوليت مباشرة ويكون شافك قبلها زى ما اتفقنا كتييييييير بتعملى عليه
هيرتبط بذهنه حاجه واحده بسسسسسسسسسس
ان ده المكان المخصص لكده
بعكس البوتى اللى ممكن يفتكرها لعبه

الادوات اللى هنستخدمها
التواليت وقاعدة الاطفال المخصصه اللى زى دى وتكون اسفنجيه ومريحه وبحجم مقعدة الطفل
عشان متبقاش كبيره ولا صغيره عليه

فى المرحله دى هنبدا بقا نحفز الطفل يعنى اقولها توتا كبرت ولازم تعمل زى ماما ولازم نعمل فى الحمام
ولما تحبى تعملى قولى ماما ببى
واعرض عليها كل شويه
ولازم يبقى عندك روتين بعد ما تقوم من النوم وقبل ما تنام وبعد شرب مايه وسوايل اساسى تقعديه على التوليت
وفى باقى النهار تعرضى عليه كل شويه لان الطفل ممكن ينسه ويعملها على نفسه


طبعا فى مرات ممكن تفلت منه وقبل ما هيقلع الاندر يكون عملها على نفسه
معلش صقفى له وممتااااااز وشاطر ولعبه جديده او شيكولاته
وبلاش التثبيط والعصبيه والنرفزه ومره فمره ان شاء الله الامر هيبقى سهل
وهيعتاد عليه
وتعلميه طبعا انه لازم يشد السيفون كده قبل ما يقعد عليه وبعد ما يخلص
انتى طبعا اللى هتعملى له كده وهتلبسيه كمان هدومه
بس علميه وانتى بتعملى كده عشان يعتمد على نفسه بعد كده
وخليه يشد السيفون هيفرح اوى
وهيحب يعمله بنفسه بعد كده


بعد المرحله دى لما تعدى بسلام
تبداى خلاص تقلعى له الحفاض فى فترة النوم
* بس طبعا لازم تقعديه على التوليت قبل ما ينام

* وحاولى متخلهوش يشرب سوايل ومايه قبل النوم بفتره

* والايام الاولى هتحاولى تقومى فى الليل كذا مره وتعرضى عليه الحمام
وادخلى وخليكى معاه وعلميه انه يطلب منك بنفسه لما يعوز

* وحاولى تحطى مفرش تحت ملايه السرير فى مكان نومه لان ممكن تفلت
منه ويعملها تكونى ساعتها عامله حسابك


بعد كده اخر خطوه بقا انك تقلعيه الحفاض فى الخروج
* كالمعتاد تقعديه الاول على التوليت قبل ما تخرجوا على طول
* وانتى فى اى مكان تعرضى عليه زى ما قلت فوق التوليت كل شويه
*وتكونى عامله حسابك وحطه فى شنطة خروجه بنطلون زياده تحسبا لاى ظروف

وبس كده ياقمرات