لازانيا تحفة بالمشروم

ت بقى لازانيا وكانت تحفة طولت عليكم هقولكم بقى على الطريقة بس شوفوا الصورة الاول

لازانيا تحفة بالمشروم 1283124936

ودى بقى اول حتة قطعتها وكلتها يميميميمييمممم

1 - هتجيبى الصينية اللى هتعمليها فيها وتشوفى هتحتاجى كم واحدة لازانيا
2- تحطى على النار ماء لغاية ما يغلى تحطى فيه معلقة ملح ومعلقتين زيت عشان اللازانيا متلزقش فى بعض ولما يغلى تحطى اللازانيا لمدة 8 دقائق فقط
3- طلعيها فى مصفاة وصبى عليها ماء من الحنفية وحاولى ابعديها عن بعضها عشان متلزقش فى بعض بس خدى بالك عشان ماتتقطعش منك
4- تكونى محضرة قبلها عصاج لحمة مفرومة
5- وكمان مشروم يكون متشوح فى بصلة مصفرة وعليه ملح وففل اسود
6- وكمان تكونى محضرة جبن موزاريلا وجبن رومى مبشور كتيير
7- وطبعا تكونى عاملة بشاميل تقيل بسيط ولما تطفى عليه حطى فيه شوية جبن
8- تجيبى الصينية وتدهنيها زيت وتحطى فيها شوية بشاميل وتفرديها فى الصينية
9- وتحطى طبقة لازانيا بحيث تكون طبقة واحدة بس وبعدين تحطى عصاج ومشروم وجبن رومى وموزاريلا
10- ثم طبقة لازانيا ثم طبقة بشاميل ثم العصاج والمشروم والجبن وهكذا
11- انا حطتيت 4 طبقات لازانيا وبتنهى بالبشاميل وتحطى على الوش جبنة رومى وموزاريلا كتير
12- تدخل الفرن الرف الاوسط 180 درجة حوالى 30 دقيقة وطبعا فى اخر دقيقتين كدة بتشغلى الشواية عشان الوش يحمر

وبالهنا والشفا تحفة مالهاش حل احلى من المكرونة بالبشاميل مليون مرة

تسلم ايدك وفى انتظار القادم

جزاك الله خيرا وجعلها في ميزان حسناتك

دمت بحفظ الرحمن ورعايته

» طريقة تحضير لازانيا بالدجاج
» فطائر بالمشروم
» صدور الدجاج بالمشروم والفلفل
» اللحم البقري بالمشروم والبطاطس
» اللحم البقري بالمشروم والبطاطس