مقلوبة الباذنجان

[size=16]مقلوبة باذنجان ..والطعم جنااااااان ...وبالصور كماااان
السلام عليكم ورحمة الله وبركاته

كيفكم يابناات ؟ ان شاء الله تكونو بخير وعافيه

عندي لكم طريقة مقلوبه مبتكره : حتى اللي ما يحب الباذنجان حيحبه في هذي الطبخه .....اول حاجه حتحتاجي ثلاثه قدور :
لاتخافو الطبخه مو طويله ابدا .....بس كلامها كثير

المقادير : شرايح باذنجان رومي مقليه او مشويه وهو الافضل
بصل مفروم _ ثوم مهروس- زنجبيل مهروس- كزبره مفرومه+شبت
طماطم معصوره- نصف كيلو لحم مفروم -كيس بازيلا مجمده -كاستين رز مصري مغسول- دجاجه مقطعه 8قطع مغسوله ومدعوكه بالدقيق والملح او افخاذ دجاج <انا استخدمته عشان اولادي يحبوه>
ماجي- بهارات<قرفه، بهار مشكل ، بهارحلو ،فلفل اسود ،كركم ،ملح >

الطريقه:
نحط زيت في صينيه ونحط شرايح الباذنجان السميكه وبعدين نقلبها عشان يكون الزيت من الجهتين وبعدين ندخلها الفرن الى ان تحمر من الجهتين بس مو كثير عشان ما تنحرق <لا تسوو زيي>:marsa117[1]:

نجيب القدر الاول ونحط فيه زيت واذا حبيتي ممكن تحمري شوي كزبره وكمون صحيحه بس مدقوقه شوي بمدق الثوم يعطي طعم روعه

وبعدين نضيف البصل ولما يذبل نحط الثوم والزنجبيل ونقلب شوي وبعدين نضيف الدجاج

مقلوبة الباذنجان Get-x8v2gu19

ونقلبه الين يتحمر شوي ...وبعدين نضيف عصير الطماطم والماجي وجزء من البهارات

ونتركه يتسبك ....

مقلوبة الباذنجان Get-pipufwjq

في القدر الثاني نحمر البصل ثم الثوم والزنجبيل ثم الكزبره ...ثم نضيف اللحم المفروم ونحركه حتى ينشف مائه...ثم نضيف له البازيلا..ونقلب ....

مقلوبة الباذنجان Get-9x2nv0ly

http://www.hawaaworld.com/up/get-zqr7mzw1.jpg

نضيف الماجي والقرفه والبهار الحلو والملح والفلفل الاسود ونقلب...ثم نضيف الرز المصري ونقلبه.....ثم الماء المغلي بس مو كثير>>>>ابو العربيه الفصحى

مقلوبة الباذنجان Get-6ogysuv8

بعد ما يستوي الرز والدجاج ....نرص الباذنجان في القدر الثالث...بعد ماندهنه زيت طبعا

مقلوبة الباذنجان Get-gdb19qdy

ونحط عليه الدجاج ثم الرز ونضغطه بالملعقه بشويش

مقلوبة الباذنجان Get-93soybe8

نحطه على نار واااااااااااااااااااطيه لمدة نص ساعه عشان يمسك مع بعض

بعد مانطفي النار نتركه 10 دقايق وبعدين نقلبه بحرص في طبق كبير مدور

مقلوبة الباذنجان Get-0gu6pg5v

واستمتعي اولا بشكل متماسك رائع كأنها كيكة باذنجان
وثانيا بالذ طعم مقلوبه ممكن تاكليه في حياتك..........والتجربه خير برهان

وبالهناء والعافيه مقدما .....اتمنى يكون عجبكم

منقوووول:012:

[/size]

</BLOCKQUOTE>

نورتم موضوعى ياقمرات

» مقلوبة اللحم
» مقلوبة الدجاج
» مقلوبة بالخضار
» لفائف الباذنجان بالصور
» سلطة الباذنجان باللبن