طريقة طهي دجاج الاعراس

سلام جبت لكم اليوم طريقة طهي دجاج الاعراس جربوها وردو علي...

طريقة طهي دجاج الاعراس Poulet-mhammer-maroc-L-5

بسم الله...

هاذي المقادير نتاع 4 دجاجات...

بعدما تغسل دجاجات مليح بلملحة والحامض خليوهم
ليله كاملة فتلاجة حتى لغد ليه عاد غسلوهوم من الملحة والحامض باش مايبقاوش
زفرين...من بعد ماتغسلوهوم مليح ويستقطر ماهوم (الماء)... فإناء ديروا 8
تومات محكوكين + 10 قزبر ومعدنوس مكرضين (مفرومين) مليح + حامضة مرقده
كبيرة مطحونه فطحانه من بعد ما تحيدو ليها العضومة+ملعقة متوسطه نتاع
سمن+معلقه متوسطه سكنجبير+معلقه متوسطه زعفران حر+ ملعقه صغيره ابزار+شويه
بسيبيسه وقعقله +ساشي واحد خرقوم عادي+نصف كاس زيت بلديه تكون خفيفه+ونص
كاس زيت روميه.

ثم
زيدوا على هادشي الماء المقدار ليغطيب فيه هاد 4 دجاجات ثم حركوا الخليط
وبداو تشرملوا دجاجات فحالي كتغسلوا لشي وليد صغير يالاه تزاد شرملهوم
مزيان خاصه ما بين جلد و اللحم ودخلوا الماء نتاع شرمولة وسط دجاجات وعاود
سكبوه في الاناء فحالي كتعمروا شي غراف بالماء وتعاودو تخويوه حتى يتشرمل
مزيان ثم خليوهم يتشربها شويه مده 1 ساعة على الاقل والماء ليشرملت فيه
دجاجات سكبوه فطنجره ليغطيبوا فيها الدجاجات ثم حطوا الدجاجت على صدرهوم
وخاص الماء يكون مغطي ضهر الدجاج الى كان ناقص زيدو الماء ثم نتركوهوم
يطيبوالمدة 25حتى30 دقيقه شدو سفود ودخلوه فضهر دجاجات الى خرج منو الماء
راه مازال خاسو يطيب شويه ويلا مخرجش راه طاب حيدوه من طنجره غي بشويه باش
مايتقسمش وحطوه على جنب لطنجره زيدوا 1كيلو ونص نتاع البصل مقطع مكعبات
صغيره بحجم اللوزه وقشاوش الدجاج الا الكبده خليوها حتى يقرب يختر المرق من
بعد مايختر المرق ويطيب البصل نطفيو على الطنجره وندهن الدجاج بالزبده او
السمن وضروري ندهنوه وهو بارد باش مايتقسمش لينا وندخلوه الفران يتحمر...

طريقة طهي دجاج الاعراس DSC03880

من
بعد ما يتحمر الدجاج نحطوه فطبق التقديم على الجنب ثم نسقيهوم بالمرق غي
شويه نتاع المرق و قشاوش نتاع الدجاج وزينه بقطع نتاع الحامض مرقد مقطعه
شرائح طويله والزيتون وبصحه وراحه نتمنى ينال اعجابكم

يا سلام وصفة اكثر من رائعة
بارك الله فيكي تسلم ايدك
بانتضار جديدك تحياتي

السلام عليكم
يسلمو ايديك على الوصفه الجميله
يعطيك ألف عافية ما قصرت
منور المنتدى بمواضيعك المميزة و الهادفة
بانتظار كل جديدكـ
وتقبل مروري