طريقة عمل السوبيا

السوبيا

المقادير:

*نصف كوب لبن نيدو بودرة (ناشف من العلبة على طول او 2 الى 3 اكياس صغيرة ) *نصف كيلو سكر *2 ظرف فانيليا

*نصف كيلو لبن سائل بلدى او معلب المهم ساقع + *روح او ريحة جوز الهند الخام

هنحتاج منها حوالى ثلاث من ملاعق صغيرة
*10 كوب ماء


الطريقة :

هاتى اناء كبير زى حلة اللى حنعمل فيها السوبيا ضعى فيها السكر و اللبن البودرة و الفانيليا
و افضلى اخلطيهم وقلبيهم بمعلقة كويس قوى قوى على الناشف لمدة 1/4 ساعة ملحوظة

لو مش عايزة تقلبي المقادير الجافة مدة طويلة ممكن تحطيهم فى الخلاط وتشغليه على اول درجة خمس دقائق مثلاً
المهم قلبناهم وخلاص

ضعى الحليب السائل

و كمية ريحة جوز الهند و قلبى كويس قوى لمدة 5 دقائق

وبعد كده ضيفى الماء كله واخلطى كله مع بعض كويس بالتقليب برضه

وممكن تحطيه فى الخلاط
هيخلص اسرع والمقادير هتندمج بشكل افضل

ملحوظة :

ريحة جوز الهند عبارة عن زجاجة صغيرة بتتباع فى السوبر ماركت او محلات الجملة او عند العطار وسعرها جنية و نص بس فى مصر ممكن وضع زجاجه للاستخدام فى زجاجة فى الثلاجة ولو جايبه اكتر من واحده حطيها فى الفريزرعادى ولا هتفرق فى الطعم و اسحبى منهم سواء







فى رمضان او الايام العادية و طعمها هو هو كانها لسة معمولة يا بنات متقولوش القطه جايبه الوصفه متاخره انا شخصيا بحبها طول السنه كنت بشربها بره البيت دلوقتى بعملها بايدى وبيطلع احلى من بره كمان

دى اللى من غير شعير وهى المشهوره

اما اللى بالشعير ذوقتها مره واحده وماحبتهاش

واصلا الشعير مش موجود كتير