ملف حلوياتى علشان رمضان ادعولى

عمل الكريم كراميل بس حلوه قوى



المقادير



3كوب ماء,14 ملعقة اكل حليب جاف (لبن نيدو),علبة قشطه,

بيضه, بكيت كريم كراميل, فانيلا



الطريقه

نضع الماء والحليب فى وعاء ع النار حتى يغلى

بعد الغليان نضع الكريم كراميل ونقلب جيدا بعد كدا نرفع من ع النار نضع البيضه ونقلب جيدا ونضعه مره اخرى ع النار حتى يغلى

نرفعه من ع النار مره اخرى ونضع علبة القشطه ونقلب سريعا حتى يتجانس

بعد كدا نصع الفانيلا ونقلب تانى ونتركه لما يبرد

نحضر اكواب الكريم كراميل ونضع السكر المحروق ونضع عليه الكريم كراميل ونضعه فى الثلاجه

عمل البسبوسة بطريقتين احلى من بعض بس مختلفين تماما عن بعض وبيبقوا مختلفين شوية فى الطعم بس الاتنين تحفة

دى طريقتى الاولى :
سهلة اوى اوى ونخلى بالنا ان كل المكونات هتتعاير بعلبة القشطة اللى هنستخدمها

-- علبة قشطة ( اللى هى الصفيح زى نستله ) + علبة زبادى كبيرة + ملو علبة القشطة سمنة بلدى ( لو مفيش منصحكيش تعملى بسبوسة بالطريقة العادية ) + 2 سيمولينا او سميد البسبوسة + 1 جوز هند + 1 سكر + 3 ملاعق كبار عسل ابيض + معلقة صغيرة بيكنج بودر

-- كله يتقلب مع بعضه بالويسك بدون مانسيح السمنة ولا اى حاجة ( مهم ان الخليط يكون لين ميكونش جامد ولا يكون سايب بس لما تهزيه فى الوعاء يتهز معاكى زى المهلبية ياريت تكونوا فهمتونى لان نجاح البسبوسة يعتمد على قوام عجينتها قبل السواء ,, ولو لقتيها متماسكة اوى اديها معلقة او اتنين لبن او لبن رايب وقلبيها كويس

-- ندهن الصينية طحينة ودى طبعا اهم تكة بتدى طعم محمص وجميل للبسبوسة وكمان مابتلزقش خالص وطبعا التكة دى واخداها من شيف اسامة من زمااااااان اصل البسبوسة دى اول حلويات انا عملتها

-- نفضى خليط البسبوسة فى صينية تقريبا مقاس 30 على المقادير بتاعتى دى ونساوى الوش بايدينا مبلولة مية

-- ندخلها فرن مسخن على 180 يعنى متوسط الحرارة لمدة ربع ساعة لحد ماهنلاقي الجوانب بدأت تنشف والوش جمد شوية هنطلعها ونرص عليها المكسرات المحمصة وانا استخدمت لوز وسودانى ( ودى تكة تانية من شيف اسامة لان كده نكهة المكسرات بتبان اكتر ) وبعدين نرجعها الفرن تانى تقريبا كمان 20 دقيقة بنلاقى الجوانب احمرت تماما والوش بدأ يحمر ,, نختبرها بعود الشوى ولو طلع نضيف يبقى استوت بس نطفى الفرن ونولع الشواية وننزل الصينية على ارضية الفرن تستوى من فوق كويس ويحمر وشها

** الشربااااااااات :
نعمله اول ماندخل الصينية الفرن عشان يكون سخن لما تطلع الصينية من الفرن

1كوب سكر + 1 كوب ماء على النار حتى الغليان وبعدين نعصر نص ليمونة ونوطى النار ونسيبه لحد مايعقد ,, ونعرف انه عقد باننا ناخد بالمعلقة نقطة منه وننزلها على الرخامة نلاقيها كورة متماسكة مش بتفرش اول ماتنزل على الرخامة ,, قبل مانطفى النار نضيف معلقة سمنة بلدى ومعلقة عسل ونقط ماء زهر ,, ونقلب ونطفى على طول ..

-- طلعت الصينية من الفرن على طول نصب عليها الشربات السخن نوزعه على الوش كله ولما يشربه وطبعا هيشربه فى ثوانى لو البسبوسة ناجحة ,, نوزع اللى باقى من الشربات ونغطى عليها شوية

لدونــــــــــــــات
المقادير:1ك دقيق-2ملعقة كبيرة سكر (وممكن تزودى لكن علشان التجميل انا مش باحب ازود السكر)-1/4م صغيرة ملح-1مكبيرة خميرة فورية-1م صغيرة بيكنج بودر-1/4كوب زبد-كوب زبادى(وممكن 1/4كوب حليب بودرة)ماء للعجن (2-ل2ونص كوب)
الطريقة :تخلط المقادير الجافة ثم باقى المكونات وتعجن جيدا وتغطى ببلاستيك وتخمر بعد التخمير ترش الرخامة بالدقيق ويفرد العجين بسمك 1/2سم بالنشابة وتقطع بالقطاعات الكبيرة وتخرم بالصغيرةمن الوسط او دوائر فقط وترص على سطح مرشوش بالدقيق وتخمر ثانية ثم تحمرفى زيت غزيرساخن وتجفف من الزيت وتجمل
للتجميل:صوص شيكولاتة سوداء او بيضاء-صوص كراميل-عجينة السكر البيضاء او بالشيكولاتة - مربى وترش بالمكسرات او شيكولاته فارماسيل وطبعا ممكن تحشى قبل التجميل بالكستر او الشيكولاته بالسرنجة

بسكويت البسبوسة

** المقادير :
كوب ونصف سيمولينا (( سميد البسبوسة ))
نصف كوب دقيق
نصف كوب زبدة لينة
2 بيضة + فانيلا ونقط خل
نصف كوب سكر بودر
معلقتين كبار جوز هند
معلقة صغيرة بيكنج بودر

الشربات :
تقيل شوية
2 كوب سكر + 1 كوب ماء يغلوا ونوطى ونعصر نصف ليمونة ونسيبه على النار حوالى عشر دقائق وبعدين نطفى ونضيف الفانيلا او ماء الزهر او القرفة الخشب زى ماتحبوا

ويترك ليبرد الشربات خالص

** الطريقة :

-- سهلة اوى تخلط كل المقادير مع بعض كويس بالويسك او معلقة خشب

وندخلها الثلاجة ترتاح يادوب خمس دقايق

ونطلعها هنلاقيها بقت متماسكة معانا ,, نعملها كور صغنتوتة ونعمل فى نص كل كورة حفرة صغننة نملاها مكسرات مجروشة او سليمة زى ماتحبوا (( كأنك بتعملى غريبة ))

ونرصها فى صاج مفروش ورق زبدة
وتدخل فرن مسخن على 180 تقريبا بيقعد ربع ساعة اول ماتلاقيه احمر من تحت اطفى الفرن ونزليه على ارضية الفرن وولعى الشواية ووطيها عشان يحمر خفيف ومايتلهفش منك

اول مايطلع من الفرن يسقى بالشربات البارد واسقيه بكمية حلوة متخافيش بيشرب الشربات كويس ومابيبقاش مسكر اوى

وحطيه فى علبة مقفولة عشان ماينشفش ..

وبس كده

االبسبوسه بطريقه ماما
المقادير : كيلو دقيق سميد, 1ك سمن ,1ك سكر,1ك جوز الهند, 2 كوب زبادى , 2 ك ماء " بعايرهم بعلبه الزبادى" كيس بيكنج بودر .
الطريقه : نحط السميد مع السكر وجوز الهند وعليهم السمن ونفركهم مع بعض وبعدين نحط البيكنج بودر وبعدين عليهم الزبادى والميا ونفركم تانى تانى

شكلمه
المقادير
بياض 4 بيضات
150 جم جوز هند (مج وربع )
120 جم سكر خشن (نص مج )
20 جم دقيق (ملعقه كبيره )
م ك زبده سايحه
فانيليا
الطريقه : نضرب بياض البيض مع رشة ملح مع السكر لحد ما يصبح كريمه
نضيف جوز الهند والدقيق
ونقلب بالراحه لو لقيتي الخليط خفيف شويه زودي جوز هند انا زودت 2 ملعقه
بس شكلتها بايدي بعد بلها بالزيت
تزين بالكريز وتدخل فرن 170 ربع ساعه

شكلمه
المقادير
بياض 4 بيضات
150 جم جوز هند (مج وربع )
120 جم سكر خشن (نص مج )
20 جم دقيق (ملعقه كبيره )
م ك زبده سايحه
فانيليا
الطريقه : نضرب بياض البيض مع رشة ملح مع السكر لحد ما يصبح كريمه
نضيف جوز الهند والدقيق
ونقلب بالراحه لو لقيتي الخليط خفيف شويه زودي جوز هند انا زودت 2 ملعقه
بس شكلتها بايدي بعد بلها بالزيت
تزين بالكريز وتدخل فرن 170 ربع ساعه

كوكيز مع قطع الشوكولاتة

المقادير:

كوبين و ربع دقيق متعدد الستخدامات

1 ملعقة صغيرة بيكربونات الصوديوم

1 ملعقة صغيرة ملح

كوب زبدة ( 2 اصبع )

ثلاثة أرباع كوب سكر أبيض

ثلاثة أرباع كوب سكر أسمر

1 ملعقة صغيرة فانيليا سائلة

بيضتان

كوبان قطع الشوكولاته Chocolate chip

كوب عنب مجفف حسب الرغبة


طريقة العمل:

اخلطي الدقيق + بيكربونات الصوديوم + الملح في وعاء.

في وعاء آخر اخفقي الزبدة + السكر الأبيض و الأسمر + الفانيليا

إلى أن يصبح أبيض و هش..

ثم أضيفي البيض و اخلطي جيدا .

و الآن أضيفي خليط الدقيق إلى خليط البيض و السكر و اخلطي جيدا جيدا

أضيفي قطع الشوكولاته وحبات العنب

هكذا يصبح و الآن خذي مقدار ملعقة طعام من الخليط و أنزليها على صينية فرن مدهونه او على ورق مشمع . أسقطيها فقط لا تضغطيها من الأعلى.
مع الحرص على تكوين مسافة بين كل قطعة و الأخرى.

و الآن مدة الخبز تعتمد على ذوقك الشخصي .. إذا كنتي تفضلين الكوكيز لين قليلا اخبزيه لمدة
9 إلى 8 دقائق .. أما إذا كنت تفضلينه مقرمشا اخبزيه لمدة 11 - 12 دقيقة.
أخرجيه من الفرن واتركيه إلى أن يبرد.

سبوسه خطيره
كوب سميد
كوب دقيق ابيض
كوب سكر
كوب زيت او سمن
كوب حليب
بيضه
فانيليا
م بيكنج بودر
ربع كوب جوز هند
نخلط المقادير الجافه
نضرب البيض مع الفانيليا بالخلاط
نضيف السكر ونضرب ثم الزيت والحليب
نخلطهم بالمواد الجافه
نصب الخليط بصينيه مدهونه مقاس 30
تدخل فرن 180
فور خروجها تسقي بسيرب خفيف نوعا ما ساااخن
ونغطيها شويه ثم تقدم بالهناوالشفا

مشبك دمياطي
2 كوب دقيق
1 كوب نشا
م ك سكر
م ك خميره
2 كوب ماء
2 م ك ماء ورد او زهر
سيرب تقيل
الطريقه : نخلط كل المقادير بالمضرب السلك ونتركها تخمر ثم نشكلها بزجاجة المسطرده الفارغه مع الضغط عليها جيدا اثناء التشكيل حتي تعطي خيوط متوسطه من العجين حتي حتي لا تتحرق وتجف اثناء القلي
زيت ساخن وغزير نقلي المشبك
ننزله في السيرب البار دقيقه ثم نصفيه —

بانتسبانيا والمقادير
ربع كوب دقيق عادي
كوب الا ربع سميد
3م ك جوزهند
5بيض مفصولين
فانيليا
بيكنج بودر
ربع كوب زيده

ملعقه خل
رشه ملح
نص كوب سكر

الشربات

كوب وربع سكر
كوب وربع ماء
عصره لمون
م سمنه فانيليا
الطريقه
تضربي البياض مع رشه الملح وملعقه الخل لحد ما حجمه يتضاعف
وتضربي الصفار مع السكر والفانيلياوالزبده لحد مالونه يبقي فاتح وملحوظه البيض يكون في درجه حراره الغرفه لااااااازم
تخلطي المواد الجافه مع بعضها وهي الدقيق وجوزالهندوالسميد والبيكنج
وتحطيهم علي الصفار وتقلبي كويس جدا
وتضيفي البياض علي 3 مراحل وتقلبي كل مره بالراحه جدا من تحت لفوق عشان مايهبطش وحطيهم في صنيه قطر 25 تقريبا وتكونيمسخنه الفرن 180 درجه ساعه الاربع تقريبا

الشربات

السكر والماء وعود قرفه حسبالرغبه يغلو وبعدها عصره لمونه وتهدي دقيقتين وتطفي وتضيفي م سمنه وم ص فانيليا

تسقي البانتسبانياالسخنه بالشربات سخن وشويه جوز هند ع الوش وياسلااااام هنا وشفا

بريوش :

**المقادير :
1 كوب سكر
1 كوب لبن
... نصف كوب سمن
نصف كوب زيت
6 كوب دقيق + 1/2 م ص ملح
5 بيض, فانيليا
3 ملاعق خميرة ( او قطعة خميرة)
بشر برتقالة كبيرة
زبيب (اختيارى )
بياض بيضة وسكر وقرفة لتزيين الوجه (( القرفة اختيارى برضه للى بيحبها بس بتكون احلى جدا على فكرة ))


** الطريقة :
-- تخمر الخميرة بملعقة سكر وقليل من الماء الدافئ
وتترك لمده 10 دقائق

-- يوضع اللبن والسكر على النار حتى يدفأ (دافئ فقط وليس ساخن)
-- يضاف السمن والزيت على اللبن على النار ويقلب حتى تذوب السمن
-- يرفع من على النار ويترك جانباً ..

-- ينخل الدقيق فى وعاء عميق مع الملح ويترك جانبا ..

-- يخفق البيض والفانيليا وبرش البرتقال بالمضرب السلك جيدا ,, يضاف الزبيب ويخفق جيدا..

-- ويضاف خليط البيض للدقيق ثم الخميرة ويقلب جيداً ,, وهيكون العجين مفرول ومفتفت
-- ثم تضاف باقى المكونات السائلة وتعجن جيداً حتى تحصلى على عجينة طرية ومطاطة لا تلتصق باليد وتنفصل تماماً من الوعاء ..
يمكن اضافة قليل من الدقيق اذا احتاج الامر ..

-- تغطى بفوطة نضيفة وتترك لتخمر ساعة ,,
-- بعدين تقسمى العجينة كور متوسطة ,, وكل كورة تفرديها مستطيل بالنشابة وتقطعى المستطيل شرايط بالطول وكل شريط تلفيه على نفسه رول زى السويسرول والرول ده تلفيه دايرة زى الشكل (( هى سهلة جدا بس شرحها بالكتابة يبان كتير شوية ))

وترص فى صاج الخبز على ورق زبدة
وتسيبيها تانى على اد ماتقدرى فى الصوانى هتعلى جدا وتنفش وتبقى جميلة (( انا عملتها بالليل وسبت التسوية للصبح وبيتها فى الصوانى فى الفرن الصبح لقيتها منفوخة وشكلها يجنن ))

الصبح بقى ياستى تسخنى الفرن على حرارة 200 ,, وتجيبى بياض بيضة تخفقيه بالشوكة مع شوية فانيليا ,, وترشى سكر على البريوش وبعدين تدهنى ببياض البيض بالفرشة وترجعى ترشى سكر تانى وقرفة ,, وتدخليها الفرن وكل 10 دقايق تفتحى وتلفى الصوانى او الصاج عشان كل القطع تاخد نفس التسوية ومش هتكمل تلت ساعة فى الفرن وخلى بالك منها عشان ماتتلهفش ,, واول ماتطلع تغطيها على طول بفوطة عشان تفضل طرية ,, وممكن لو عندك بخاخ تحطى فيه شوية ماء وترشيها بسرعة على خفيف اول ماتطلع ده هيحافظ عليها طرية اوى وده انا بعمله مع المعجنات عامة ..

ممكن تفتحوها بالسكينة زى الكيزر كده وتدهنوها زبدة ومربى او زبدة وعسل وتلفوا كل واحدة بفويل وتدخلوها الفرن او الميكروويف 5 دقايق ,, هشة جدا جدا وسكرها خفييييف ,, عارفين بتطلع داااااايبة وشاربة المربى او العسل امبارح جربتها كده برضه طلعت وهم ..

جربوها بجد هتعجبكم جدا وهتدعولى ..

بسكوت المارنج :
المقادير : 3 بياض بيض , ذرة ملح , 1 كوب سكر , معلقة صغيرة عصير ليمون
الطريقة : يضرب بياض البيض مع رشة الملح حتى يتضاعف الحجم ثم يضاف السكر بالتدريج مع الاستمرار في الخفق حتى يتماسك الخليط ويصبح كالكريمة , يشكل بالقمع اشكال حسب الرغبة و يخبز مع وضع ورق حبز في الصينية حتى لايلتصق او فويل مدهون خفيف بالسمن مع رشة دقيق بسيطة حتى لا يلتصق في فرن هادئ على حرارة 120 لمدة ساعة تقريبا
للوجه : بعد ان يبرد نزين بكوب سكر بودرة يضرب مع 6 ملاعق كبيرة حليب و استخدمت لون طعام احمر نقطة

معمول بالقرفة
بسم الله ...

المكونات : 4 كوب دقيق

كوب زيت

كوب سكر

رشة ملح

خميره

الحشو:

كوب دقيق سميد - نصف كوب سكر - 3 ملاعق قرفه

الطريقه

أولا ... دوبى الخميره فى معلقة سكر وشوية ميه دافيه

ثانيا .... ضعى الدقيق والسكر وذرة الملح وقلبيهم كويس وبعدين ضيفى الزيت وبسيهم كويس لحد ما الدقيق يشرب كمية الزيت وبعدين ضيفى الخميره وأعجنى بالميه الدافيه لحد ما تتكون عندك عجينه ملساء ولينه ومش بتلزق فى الطبق وسيبها تخمر

الحشو .... ضعى دقيق السميد مع السكر والقرفه وبخبهيهم بشوية ميه



أدهنى صينيه وأفردى نصف العجين وبعدين الحشو وبعدين أفردى نصف العجين الأخر وسيبها تخمر تانى شويه وتجهزى الفرن وقبل ما تدخليها أدهنى الوش بالبيض وشوية فانيلي

كيك ده سهل وسريع جداااا وطعم اوىا
** المقادير :
كوب سكر
كوب لبن
3/4 كوب زبدة سايلة شوية (( ممكن زيت بس الزبدة بتخليه اطعم واهش ))
2 بيضة + معلقة كبيرة خل + فانيلا
4 ملاعق كبيرة كاكاو
معلقة كبيرة بيكنج بودر
كوب دقيق
** الطريقة :
فى الخلاط اخلطى السكر واللبن كويس وبعدين الكاكاو واضرب كويس وانزلى بالزبدة او الزيت سرسوب رفيع اثناء الخفق لحد مايتكون صوص غليظ ولامع
شيلى كوب من الخليط ده على جنب فى الثلاجة
ضيفى البيض للجزء الباقى من الخليط فى الخلاط والخل والفانيليل واضربى كويس
ضيفى الدقيق واضربى كام ضربة فى الخلاط
اسكبى الخليط فى صينية مبطنة بالسمنة والدقيق ودخليه فرن مسخن على 180 لمدة ساعة الاربع تقريبا ,, بعد نص ساعة افتحى الفرن واختبرى نضج الكيك بعود الشوى .. وتابعيها حتى تمام السواء ..
طلعيها من الفرن بعد النضج وسيبيها تهدا شوية واقلبيها وصبى كوب الصوص عليها وزينيها بالمكسرات المجروشة او الفارماسيل وبتبقى تحفة

كيك ده اللى هيعمله على ضمانتى هيدعيلى فى كل قطمة

** المقادير :
6 بيضات + معلقة خل كبيرة (مهمة ) + فانيلا كتير + بشر ليمونة اختيارى
كوب وربع سكر ناعم الحبيبات ( مش بودرة )
نصف كوب زيت ذرة
كوب دقيق
كوب لبن نيدو او اى لبن مجفف
معلقة ونصف صغيرة ممسوحة بيكنج بودر
كوب جوز هند ناعم

** الطريقة :

-- على اعلى سرعة فى المضرب الكهربائى نخفق البيض والخل والفانيلا مع السكر لمدة 10 دقائق حتى يرتفع قوام البيض جدا جدا

-- يضاف الزيت على هيئة خيط رفيع والمضرب شغال ونستمر فى الخفق خمس دقائق اخرى

-- ننخل الدقيق مع البيكنج بودر والنيدو مرتين ,, ثم نخفض سرعة المضرب لأقل سرعة ونضيف المواد الجافة ونخفق يادوب يختفى الدقيق نوقف خفق

-- نضيف جوز الهند ونخفق على اقل سرعة لحد مايختفى جوز الهند ويتجانس الخليط كله ( الخفق لا يتجاوز دقيقة عند اضافة المواد الجافة ) وبيكون خليط الكيك غليظ عن الكيك العادى

-- تصب فى صينية مقاس 26 مدهونة سمنة ومبطنة بورق زبدة ( او مبطنة سمنة ودقيق لكن ورق الزبدة بيحافظ على القاع من الغمقان )

-- تدخل فرن مسخن على 170 ,, بعد نصف ساعة نختبر النضج بسكين وغالبا هتحتاج كمان خمس دقايق بعدها نختبرها تانى ولو نضجت او ( تقريبا نضجت ) والحواف احمرت وبدأت تفصل عن الصينية نطفى الفرن فورا مانسيبهاش وننزلها على ارضية الفرن ونفتح الشواية ونوطيها ونقف جنبها يادوب دقيقتين نتاكد من سواها من فوق

-- نطلعها من الفرن ونسيبها تهدا شوية ونقلبها وتدهن بمربى مخففة بشوية ماء دافىء وانا استعملت مربى البلوبيرى جميلة اوى وتغطى بجوز الهند ومكسرات او كريز

** ملحوظة هامة :
يجب اتباع الخطوات بدقة لانها تؤثر على نجاح الكيك
والكيك ده بيغمق بسرعة عن العادى عشان فيه لبن نيدو كتير وده حساس للحرارة وبيسبب احمرار اللون بسرعة عشان كده نسويها زى منا شرحت وهتطلع مضبوطة ان شاء الله ..

الكيك ده هش جدا وطعمه رائع ممكن نقسمه من النص ونحشيه تورتة بيكون طعمها غنى وياسلام لو زينناها بجوز الهند الشرائح المحمص يمممم

كيكه الزبادى بالشربات...المقادير 4بيضات\2كوب دقيق\2ملعقه صغيره بيكنج بودر\كوب زبادى\فانيليا\كوب الا ربع سكر\نص كوب زيت\ الطريقه...نضع الزيت والسكر والزبادى والبيض والفانيليا فى الخلاط ونضربهم كويس وبعدين انخل الدقيق والبودر مع بعض ثم ابدأ فى وضعهم على الخليط السائل طبعا فى طبق مش فى الخلاط.انزل بالدقيق شويه بشويه مع التقليب بمعلقه خشب عوالتقليب بشكل نص دائره لحد مايخلص المقدار اصبها فى صنيه مبطنه بسمن ودقيق وتدخل فرن 180درجه ولما تخرج اقلبيها واسقيها الشربات البارد وترش بجوز الهند.........الشربات 2كوب سكر +2كوب سكر+رشه فانيليا

شكلمه
المقادير
بياض 4 بيضات
150 جم جوز هند (مج وربع )
120 جم سكر خشن (نص مج )
20 جم دقيق (ملعقه كبيره )
م ك زبده سايحه
فانيليا
الطريقه : نضرب بياض البيض مع رشة ملح مع السكر لحد ما يصبح كريمه
نضيف جوز الهند والدقيق
ونقلب بالراحه لو لقيتي الخليط خفيف شويه زودي جوز هند انا زودت 2 ملعقه
بس شكلتها بايدي بعد بلها بالزيت
تزين بالكريز وتدخل فرن 170 ربع ساعه -

مقادير القرص
مقادير القرص
كيلو دقيق ـ 2 كوب زبده علي قشده علي سمن اللي عندك حطيه مش تبخلي ههههههههههه
2ملعقه خميره ـ ملعقه ص ملح ـ ربع كوب سكر ندوبه في اللبن
ملعقه بيكنج بودر
من 2كوب الا ربع ل 2 كوب لبن دافئ
ملعقه كبيره شمر ـ يانسون ـ وربع ملعقة ص محلب نطحنهم ونضيفهم للدقيق
اول حاجه نضيف السمنه ونبس الدقيق فيها كويس ثم نضيف اللبن ونعجن كويس
ثم نشكلها كور ونبططها في الصاج اللي هنخبزها فيه ونتركها ساعه تخمر ثم نخبزها وقبل دخولها الفرن دهنت الوجه بياض بيضه علي ملعقة لبن وملعقة سكر

معجنات للفطار

كيلو دقيق عليهم ملعقه من كل من كمون وشمر وينسون مطحون وملعقة بيكنج بودر صغيره وملعقه كبيره خميره وملعقتين سكر وملعقتين ملح وبيضه ونصف كوب زيت و4 ملاعق لبن بودر وكوب حليب والباقي ميه دافيه
نتركها تخمر ثم نشكلها والحشوه زي ما تحبي
انا حشيت انواع مختلفه من الجبنه نضربهم مع زيت زيتون وبيضه وزعتر وعليها زيتون او فلفل حامي

قراقيش


مقادير : كيلو دقيق

- كوب ونصف سمنه ونصف كوب زيت بس يكون نوع حلو

-قطعة خميره فى حجم عين الجمل

-معلقه كبيره شمر وينسون وانا بحمصهم - معلقه كبيره سمسم محمص معلقه كبيره حبة البركه ومعلقه صغيره ريحة الكحك ودى بتديها طعم حلو وريحه تحفه

- و ذرة ملح -

كوب ماء دافئ للعجن

الطريقه



: اولا ندوب الخميره بمعلقة سكر وشوية ميه دافين ونخلى بالنا ان الميه مش تكون سخنه - وبعدين نجيب السمنه والزيت فى حله وندفيهم كويس وبردوا نخلى بالنا انهم مش يغلو وبعدين الدقيق نحط عليه السمسم والشمر والينسون وحبة البركه وريحة الكحك ونعمل حفره فى النص ونصب السمنه

ونقلب بمعلقه لحد ما الدقيق يهدى وبعدين نبتدى نبسها كويس علشان الدقيق يشرب السمنه وبعدين نضيف الميه الدافيه ونعجن لحد ماتتكون عجينه ملساء وتقريبا بتاخد من كوبايه الى كوب الا ربع وده على حسب الدقيق و نغطيها بفوطه نضيفه ونسبها تستريح لمدة ساعه هتلاقيها اتخمرت وبقت شكلها جميل تتبتدى تقطعيها وتسبيها شويه علشان تكمل تخمير هتلاقيها ارتفعت وبقت جاهزه على التسويه تشغلى الفرن على درجة 220 او على حسب الفرن بتاعك بس المهم ميكونش الفرن واطى علشان مش تبوظ وتسيبها لحد ماتلاقى القعر بقى لونه وردى وجميل تطلعيها

سكوت بالعجوة و حبه البركة


5 كوب دقيق
معلقة كبيرة بيكينج بودر
رشة ملح
3\4 كوب زبدة
3\4 كوب سكر
2 صفار بيضه و البياض هندهن بيه وش البسكوت
1 1\2 كوب لبن دافىء
عجوة للحشو
حبة البركة او سمسم للتزيين

نضرب الزبدة مع السكر شويه و نضيف الصفار و نضيف الدقيق و البيكينج بودر و نعجن باللبن الدافي نضيفه شوية شوية و نعجن لحد ما تتكون عجينة لينة و متماسكة
نسيبها ترتاح نص ساعة و نبتديي نفردها و نحشيها و نقطعها و ندهن الوش ببياض البيض و نرش السمسم او حبة البركة
نحطها في فرن 180 درجة لحد ما تحمر من تحت و من فوق شوية

واوشي اسكندراني مع بعض التعديل
المقادير للعجينه :كيلو دقيق ـ ملعقة ملح ـ ملعق سكر ـ ملعقتين خميره ـ ملعقتين لبن بودره ـ 3 ملاعق زيت دره 2كوب ونص ميه دافيه وحسب العجينه معاكي نعجنها كويس ونتركها تختمر
نفردها بالنشابه ونضع الحشوه وهي :
نعمل حشوه عباره عن بصله كبيره مبشوره فلفل اخضر حامي ـ طماطم مكعبات من غير القلب بتاعها ـ بقدونس ـ ملح وفلفل وشطه وفصين توم واقسمها نصفين نصف احطه علي لحمه مفرومه والنص التاني علي سجق ونخلطها كويس

كوكيز الزبيب\\\

2 كوب دقيق
2 م بيكنج بودر
1\4 م ملح
1\2 م قرفه
1 كوب سكر بني فاتح
170 جم زبدة طريه
1 بيضه كبيرة
1\4 كوب لبن
م فانيليا
1 كوب زبيب


سخني الفرن علي 190 درجة و جهزي صينيتين خبز عليهم ورقتين زبدة في وعاء حطي الدقيق و البيكنج بودر و الملح و القرفه و اخلطيهم كويس
في وعاء تاني اضربي الزبده مع السكر لحد ما يبقي الخليط هش و فاتح و كريمي و ضيفي البيضه و الفانيليا و اضربي و ضيفي اللبن و ضيفي الدقيق المضاف ليه البيكنج بودر و الملح و القرفه و قلبي و في الاخر
ضيفي الزبيب و قلبي

بمعلقه ايس كريم او معلقتين كبار عشان تنزلي العجينه من بعض اغرفي الكوكيز في صواني الخبز و بينهم مسافه 1\2 سم و اخبزيهم لمدة 8-10 دقايق لحد ما تحمر من الجوانب و السطح دهبي خفيف اوي

معمول بالقرفة

بسم الله ...

المكونات : 4 كوب دقيق

كوب زيت

كوب سكر

رشة ملح

خميره

الحشو:

كوب دقيق سميد - نصف كوب سكر - 3 ملاعق قرفه

الطريقه

أولا ... دوبى الخميره فى معلقة سكر وشوية ميه دافيه

ثانيا .... ضعى الدقيق والسكر وذرة الملح وقلبيهم كويس وبعدين ضيفى الزيت وبسيهم كويس لحد ما الدقيق يشرب كمية الزيت وبعدين ضيفى الخميره وأعجنى بالميه الدافيه لحد ما تتكون عندك عجينه ملساء ولينه ومش بتلزق فى الطبق وسيبها تخمر

الحشو .... ضعى دقيق السميد مع السكر والقرفه وبخبهيهم بشوية ميه



أدهنى صينيه وأفردى نصف العجين وبعدين الحشو وبعدين أفردى نصف العجين الأخر وسيبها تخمر تانى شويه وتجهزى الفرن وقبل ما تدخليها أدهنى الوش بالبيض وشوية فانيلي