ملف حلوياتى علشان رمضان ادعولى

بسكوت المارنج :
المقادير : 3 بياض بيض , ذرة ملح , 1 كوب سكر , معلقة صغيرة عصير ليمون
الطريقة : يضرب بياض البيض مع رشة الملح حتى يتضاعف الحجم ثم يضاف السكر بالتدريج مع الاستمرار في الخفق حتى يتماسك الخليط ويصبح كالكريمة , يشكل بالقمع اشكال حسب الرغبة و يخبز مع وضع ورق حبز في الصينية حتى لايلتصق او فويل مدهون خفيف بالسمن مع رشة دقيق بسيطة حتى لا يلتصق في فرن هادئ على حرارة 120 لمدة ساعة تقريبا
للوجه : بعد ان يبرد نزين بكوب سكر بودرة يضرب مع 6 ملاعق كبيرة حليب و استخدمت لون طعام احمر نقطة

القرص الطرية

لمقادير يا حلويين:

كيلو دقيق-ربع كوب زبده-ذره ملح-لبن رايب للعجن-معلقه كبيره خميره فوريه -معلقه كبيره سكر-ماء دافي-حته قشطه

نحط الدقيق والملح والزبده يادوبك تكون فاكه مش سايحه ونعمل بادينا نبسها يعني وبعدين نكون في طبق تاني مدوبين الخميره والسكر والميه الدافيه شويه صغيرين اروح حاطاهم علي الدقيق ونرجع نعجن تاني بلبن رايب ونحط حته القشطه واعجن واعحن لحد ماتبقي متجانسه واسيبها تخمر بقي 3 اربع ساعات عشان البرد ده يومها احنا غطيناها بفوطه وحطيناها تحت اللحااف
بعد ماخمرت نبتدي نقرص طبعا نشغل الفرن يسخن ونشتغل نعملها الاول كور ونحاول نفرفت بايدينا عشان مايبقاش فيها اي كلاكيع وبعدين نحط الكوره علي الصينيه ونفرد بطراطيف صوابعنا من النص لبره لحد ماتبقي بالشكل الي في الصور ده ونسيبها تخمر في الصينيه تاني طبعا احنا كنا بنعمل كذا صينيه فبقينا نحطها علي البوتجاز من فوق عشان تخمر بسرعه(البوتجاز فرنه والع فاي حاجه تتحط من فوق يبقي الجو مناسب للتخمير)
بس يا حلوين وتبتدي تسوي 10 دقايق لما تلاقي وشها احمر كده وبقي ذهبي بالهنا والشفا
اه نسيت اقولكوا اننا حشينا شويه بالجبنه وشويه بالعجوه

القراقيش

(2)كوب دقيق
ملعقة كبيرة بيكنج باودر
نصف ملعقة كبيرة ملح
ملعقتين كبار سكر (ودول إضافة من عني ماكانوش موجودين في الوصفة الأصلية)
نصف كوب سمن على زيت (ممكن سمن بس)
(3/4) كوب حليب
الطريقة:
أول حاجه تخلطي الدقيق مع البيكنج باودر والملح والسكر لو هتستخدميه وبعدين تجيبي السمن من غير ما تسيحيه وتهرسي السمن في الدقيق بشوكة لغاية ما يتفتت وبعد كده تضيفي الحليب وتعجني كويس بإيديك لغاية ما المكونات تتخلط مع بعض.. العجينة بتكون طرية ولينه قوي بس مش ملزقة في الوعاء,
ترشي شوية دقيق على الرخامة اللي هتشتغلي عليها وتحطي العجينه عليها وتعجني لغاية ما تبطل تلزق...
بعد كده افردي العجينه بسمك حوالي سم واحد أو حسب ما تحبي وقطعيها بقطاعة البسكويت أو بأي وسيلة عندك ورصيها في صاج على ورق زبده ودخليها فرن متسخن من قبل كده على 180 تقريبا وهتاخد معاك من ١٠دقايق ل ١٥دقيقه حسب فرنك.... ولو عايزاها تنشف شوية خليها أكتر شويه... أنا بحبها مقرمشة عشان كده سبتها لغاية ما احمرت على خفيف من فوق... بس خدي بالك عشان ما تتحرقش من تحت...يعني عموما التسويه هتكون حسب فرنك

طريقة عمل ملكة البسبوسات

مقادير ملكة البسبوسات :
2 كوب سميد - ملعقة كبيرة بيكنج بودر - فانيليا - علبة قشطة - 2 علبة حليب مكثف محلي - فنجان صغير زيت .
- الحشو : ربع كوب زبدة - كوب جوز هند - ونصف كوب سكر - نصف ملعقة قرفة ناعمة - وشراب - ولوز للتجميل


طريقة عمل ملكة البسبوسات :
نحضر وعاء عميق ونضع فيه السميد ثم القشطة والحليب المكثف ونخلط جيدا
- ثم نضيف البيكنج بودر والفانيليا وفنجان الزيت
- يخلط الجميع مع بعض وتترك لترتاح قليلا
- يخلط مكونات الحشو مع بعض حتي يتجانس
- ندهن صنية مستطيلة ونصب عليها نصف العجينة وتبط براحة اليد حتي تفرد تماما
- نضع الحشو ويفرد علي العجينة بالتساوي
- ونضع النصف الاخر فوق الحشو جزء ثم جزء حتي يتم تغطيتها تماما
- تدخل الفرن حتي تنضج ويصبح لونها ذهبيا
- فور خروجها من الفرن تسقي بالشراب البارد وتقطع وتجمل حسب الرغبة

كيكة السيمولينا : كوب دقيق + نصف كوب دقيق سيمولينا + نصف كوب سكر + 3 بيضات + كوب الاربع لبن +كوب الا ربع زيت + ربع كوب جوز هند + فانيليا + بيكينج بودر
طريقتها زى الكيكة العادية و أول ما تخرج من الفرن نسقيها بالشربات البارد لا يكون تقيل ولا خفيف ونخليها فى نفس الصنية ما تقلبهاش ونرش عليها الجوز هند من فوق وبالهنا والشفا

لفيش الصعيدى على اصولة

مقادير خميرة الحمص :
3 ملاعق كبيره حمص
كوب لبن مغلي

نطحن الحمص ونضعه ببرطمان زجاج


نضيف عليه كوب اللبن مغلي

ونلفه بفوطه ونضعه بمكان دافي لمدة 24 ساعه

بيزيد فى الحجم

نفرغها في الطبق اللي هنعجن فيه
نضيف له 3 ملاعق دقيق ونقلبهم ونتركهم يختمرو


خميرةالحمص بالدقيق خمرت


ههنضيف عليها باقي المقادير وهي
كيلو دقيق واخدنا منه 3 ملاعق
1 ملعقة ص ملح
2 ملعقة سكر واللي بيحبه زياده يضيف انا ضفت نص كوب
ملعقه ص محلب مطحون
... 2 م . ص كركم
وانا ضفت ملعقه كبيره خميره
كوب لبن
كوب سمن سايح دافى

ثم الدقيق واللبن بالتبادل
ونعجنها كويس وبتكون لامه نفسها
نشكلها اقراص ونرصها بصاج مدهون ونتركها تختمر وبتعد كتير من غير ملعقة الخمير اللي انا ضفتها
ندخلها الفرن 190 ومش بتفضل كتير

نتركه يبرد ثم نقطعه بالشكل ده وندخله فرن هادئ يتحمص ونقلبه علي الوجهين



.

طريقة عمل عجينة القطايف
كوب دقيق(طحين )
كوب ماء دافى
نصف معلقة بيكنج بودر
معلقة سكر
ربع معلقة ملح
بتضربيهم مع بعض كويس اوى بالمضرب السلك وتسبيهم يرتاحوا شوية وبعدين تسويها فى طاسة تيفال المقاس اللى يعجبك

بسكويت شاى ...
2 و 3\4 كوب دقيق
1 كوب سكر بودره
1\2 كوب زبده او سمن
1\4 كوب زيت ( الزيت حيديله قرمشه ) ممكن نضع مقدار الدهن كله زبده او سمن
ملعقه صغبره بيكنج بودر
ملعقه كبيره كاكاو ساده
ملعقه كبيره قرفه
2 بيضه
ظرف فانيليا
رشة ملح
- ننخل الدقيق مع البيكنج بودر و الملح
- باستخدام المضرب الكهربائى حنخفق السكر مع السمن حتى يتكون لدينا خليط كريمى و هش
- نضيف بيضه و نخفق حتى تختفى البيضه - نضيف البيضه الثانيه مع الفانيليا و نخفق حتى تختفى البيضه الثانيه
- نضيف الدقيق و نقلب ( اذا متوفر ذراع التقليب نستخدمه اذا غير متوفر نقلب باليد من غير عجن ) حتى تتكون العجينه و بتكون طريه شوى
- نقسم العجينه ثلاث اجزاء
- نضيف للجزء الاول الكاكاو و نقلبها مع العجين حتى يتجانسو
- نضيف للجزء الثانى القرفه و نقلبها مع العجين حتى يتجانسو
-نضيف للجزء الابيض ملعقة دقيق نلم بيها العجين و نغلف كل جزء بالنايلون و نضعهم بالثلاجه لمدة ساعه
- بعد مرور الساعه نخرج العجين من الثلاجه و نأخذ كل جزء و نفرده بين قطعتين من ورق الزبد او النايلون و نقطع بقطاعات البسكويت و ترص بالصاج مع ترك مسافه بين كل واحده و الاخرى و يخبز على درجة حراره 180 الى ان يشقر لونه
- يترك بالصاج الى ان يبرد و يقدم مع الشاى
و بالهنا )))
*** يفضل وضع قطعة بسكويت بيضاء مع بسكويت الكاكاو و القرفه عند الخبز لنستدل بها على نضوج البسكويت ...

كعك العيد ( كل سنه و انتم طيبين )
لكل 2 كيلو دقيق
1 كيلو سمن ( يفضل طبعاً تكون بلدى )
2 زجاجة رائحة الكعك
باكت خميره فوريه + ملعقه صغيره سكر
5 : 6 ملاعق كبيره سمسم ممكن اكثر او اقل حسب الرغبه
من كوب ل كوب و نصف ماء دافىء للعجن
** بالنسبه لحشو العجوه
1 كيلو عجوه + سمسم +2 ملعقه كبيره سمنه نعجنهم مع بعض ونشكلهم كور بحجم البندق ممكن ندهن ايدنا زيت لو بتلزق حتى نتمكن من تشكيلهم
** بالنسبه لحشو الملبن
1 كيلو ملبن + ماء ورد او فانيليا + مكسرات مجروشه خشن ( استخدمت عين الجمل ) نشكلهم كور بحجم البندق بمساعدة الدقيق حتى لا تلتصق باليد
- ندوب الخميره مع ملعقة السكر فى 1\4 كوب ماء دافىء و نغطيها و نتركها تتفاعل
- ننخل الدقيق و نعمل حفره بالمنتصف و نضع فيها السمسم
- نقدح السمن و نضيفه بالتدريج فوق السمسم و نقلب بملعقه خشب حتى تهدأ العجينه
- نبس العجين باليد جيداً حتى يتشرب الدقيق السمن
- نضيف رائحة الكعك و الخميره و نعجن
- نضيف الماء بالتدريج و نعجن
- نغطى العجين بكيس بلاستيك و نركها 1\2 ساعه لترتاح
- نبدأ بأخذ قطعة قطعه من العجين و نكورها و نحشيها و نشكلها اما بالمنقاش او بفورم الكعك و نرصها بالصاج
- نترك كل صاج لمدة ساعه ليخمر ثم يخبز حتى يبدأ فى الاحمرار منسبهوش يحمر قوى لان طعمه بيتغير
- يترك ليبرد ثم يحفظ فى علبه مغلقه
- يرش بالسكر البودره عندالتقديم
و بالهنا )))))
**** مهم جداً اضافة الماء بالتدريج و نجرب نشكل فى كل مره بمجرد ما نتمكن من تشكيل الكعكه من غير ما تتشقق نوقف اضافة الماء عشان الكعك مينشفش و يبقى ناعم ....
**** يفضل ترك العجينه مغطاه اثناء التشكيل و ناخذ منها قطعه قطعه

معمول هش:
المقادير:
كيلو طحين .
4 أصابع زبده( 4 × 100 غرام )في حرارة الغرفة
كوب حليب بودرة
كوب زيت نباتي
كوب سكر بودرة
3 بيضات
½ ملعقة كبيرة خميرة فورية
½ ملعقة كبيرة بكنج باودر
فانيليا
تمر منزوع النوى للحشو

طريقة التحضير:
نضع الزبده في الخفاقة ونضع عليها الزيت وتخفق مع بعض .
نضع السكر البودرة والبيض والفانيليا مع الاستمرار في الخفق حتى تصبح طرية مثل القشطة
نضع الحليب والخميرة والبكنج باودر على الزبدة ونستمر في الخفق
نضع الدقيق بالتدريج ونعجنه باليد حتى تصبح عجينة متماسكة
نأخذ قليل من العجينة ونحشوها بقليل من التمر ونغلقها ونضعها بالقوالب أو نشكلها بالملقط
ندخلها الفرن من الأسفل لمدة 15 دقيقة ثم تحمر من فوق
وبالصحة.

سكويت بالعجوه و السمسم

3 كوب دقيق
تلات ارباع الكوب سمن
نص كوب حليب بودره
ربع كوب سكر بودره
رشه خفيفه ملح
معلقه صغيره ممسوحه خميره فوريه
معلقتين كبار محسن الخبز او معلقه صغيره بيكنج بودر
نص معلقه صغيره محلب مطحون
من نص الي تلات ارباع الكوب ماء دافئ
عجوه للحشو و سمسم للزينه

نضع المكونات الجافه كلها مع بعض الدقيق و الملح و السكر و الخميره و المحسن و الحليب البودره و نخلطهم
نسيح السمن عالنار بس يسخن مش يقدح او بغلي يسخن بس و يبقي دافي علشان ميبوظش الخميره
نضيف السمن عالدقيق و نقلب كويس و نعجن بالماء الدافئ حتي تلم العجينه و تترك لتخمر ساعه و نجهز العجوه نضع عالتمر معلقة سمن و رشة سمسم و قرفه مطحونه و نقلبهم كويس و نعمل اصابع و لما العجينه تخمر نشكلها رول طويل و نضع العجوه و نقفل عليها او نعملها رول و نقطعها بالطول اللي تحبيه بالسكين و نغمس البسكويت بالسمسم او تدهن بالبيض المخفوق بالحليب و ترش بالسمسم و تترك لتخمر مرة اخري لمدة ساعه و نسخن الفرن علي حراره عاليه و ندخله الفرن حتي ينضج و يحمر من تحت ثم فوق و يترك يبرد تماما قبل ما نشيله