اسهل واسرع واجمل بسبوسة

الاول الشربات
لو سكر ابيض وناعم اسرة يعني كوب ونص سكر مع كوب ونص مية
ل السكر التموين بتاعنا هههههههههه يبقي كوبايتين الا ربع او كوبايتين سكر وكوب ونص مية
ويغلو بس ونطفي عليه علطول
لحد كده كله سهل وتمام
والجاي اسهل
بجيب البسبوسة الجاهزة اكياس حلو الشام جربوها بالاضافات اللي فيها جوز الهند والبيكنج بودر بقت اجمل كمان
بفضي الكيس في طبق غويط وبعدييييييييييييييييييين
هنا بئا السر بتاعي
بكون محوشة القشطة بتاعت اللبن العادي بتاعنا قد مثلا علبة الحلوة الوسط بتاعت الرشيدي الميزان دي
بحوش القشطة فيها في الفريزر وبستعملها مع البسبوسة والرز بلبن
المهم بحط نص القشطة وابس البسبوسة باطراف صوابعي لحد ما كل حباية بسبوسة تتغلف بالقشطة
وبعدين اضيف شوية بشوية القشطة وبرضو باطراف صوابعي لاننا مش بنعجن دي حاجة اسمها بس
مسمعتوش عن ( ستي بسبست لي بسبوسة بالسمنه والسكر ) هههههههههه اهي هي دي
اضيف شوية بشوية لحد ما الاقي البسبوسه بقت عامله عجينه خالعة يعني مش بتلزق في الايد
وعلي فكرة البسبوسة الناجحة هي اللي تكون عجينتها ناشفة يعني تعمل كورة مش سايبة كده
لان كل ما تزودي السائل بتنشف في الفرن
وتدهني صينيه بالسمنه او الزبده
وتضغطي عليها بصوابعك لحد ما تتساوي في الصينيه وتدخليها الفرن علي نار هادية لوسط
وتكون الفرن سخنه من الاول
وتسيبيها 20 دقيقة وتبصي عليها
لو محتاجة خمس دقايق تاني وطي الفرن خالص وسيبيها
واول ما تحمر وشها طلعيها واسقيها بالشربات البارد فوراااااااااااااااااااااااااااااااا
واقفلي الفرن وحطيها ربع ساعه علي الحرارة عشان الشربات يتشرب كويس
وبألف هنا علي قلوبكم يا حبايبي

ملحوظة مهمة جدااااااااااا :
البسبوسة متنخدعيش فيها لان لما بتحطي الشربات وشها بيفتح شوية عن لما شوفتيها
وبتكون شكلها كأنها نيه اصلها حصلت معايا بس انا مش عايزاها تحصل معاكم
بس اوعو تحرقوهاااااااااا ههههههههههههه
انا ماليشششششششش دعوووووووووووووووووة
بألف هنا يا رب ومطرح ما يسري يمري

اسهل واسرع واجمل بسبوسة %D9%85%D8%B4%D8%A7%D8%B1%D9%83%D9%87

» اسهل واسرع والذ معمول و اكيد بالصور
» اسهل واطيب بسبوسة
» بسبوسة الجلاكسى
» بسبوسة التوفى
» بسبوسة تجنن